“Maleta Bete Feriatze” ibilaldia Iruñean barna.

Azaroaren 25ean, larunbatarekin, Patxi Larrion gure bazkideak gidaturik “Maleta Bete Feriatze” izeneko ibilaldi berezia eginen dugu Iruñean barna. 11:30ean, Gazteluko Plazako estatuatik abiatuta. Anima zaitez!

ekitaldiak atalean publikatua | , , , hitzekin laburtua | Iruzkin bat utzi

Palestinako emakumeen ipuinak Zaldikon

Bihar, hilak 10, arratseko 8etan hasita, Irakurriz dibertitzen gara ekimenaren beste saio bat izanen dugu Zaldikon.

Oraingo honetan, QUISSAT-PALESTINAKO EMAKUMEEN IPUINAK liburua izanen dugu hizketagai. Liburu hori osatzen duten ipuinak Jo Glanville idazleak bildu zituen, eta Xabier Monasteriok euskaratu ditu.

Besterik gabe, elkar bertan ikusiko dugulakoan, jaso ezazu gure agurrik adeitsuena.

hitzaldiak, Irakurriz dibertitzen gara atalean publikatua | , , , hitzekin laburtua | Iruzkin bat utzi

Hitzaldia: Gau Beltza, Halloween eta Arimen gaua Euskal Herrian.

Azken urteotan, izugarri zabaldu da toki guztietan Halloween izeneko ospakizuna.
Baina zer egiten zen gau horretan garai batean Euskal Herrian?
Josu Ozaitak lan bat egin du, eta emaitza harrigarria da.
Jakingo dugu zer egiten zen Iruñerrian bertan eta beste leku batzuetan.

Urriak 24, asteartea, 20:00etan, hitzaldia eta bideo emanaldia.
Sarrera irekia
ekitaldiak, hitzaldiak atalean publikatua | , , , , , , , hitzekin laburtua | Iruzkin bat utzi

Irakurle taldea: “Azken patriarka” (Najat El Hachmi)

Bihar, urriaren 6an, arratseko 8etan Irakurriz dibertitzen gara ekimeneko beste saio bat izanen dugu.

Oraingo honetan, Najat El Hachmi idazle amazigh-katalanaren Azken patriarka lana izanen dugu mintzagai. Horretarako, liburu hori euskaratu duena etorriko zaigu: Jexuxmari Zalakain.

Irakurriz dibertitzen gara atalean publikatua | , , , , , , hitzekin laburtua | Iruzkin bat utzi

Solasaldia Kataluniako egoeraz mintzatzeko

Martxelo Otamendi kazetaria etorriko zaigu, irailaren 25ean, astelehena, gertatzen denaren gakoak azaltzeko.

Ekitaldi irekia da, eta arratsaldeko 7:30ean hasiko da.

Martxelo Otamendi Berriako zuzendaria da eta hurbil-hurbiletik jarraitu du beti Katalunia, bai eta bertako prozesua ere.

ekitaldiak, hitzaldiak atalean publikatua | , , hitzekin laburtua | Iruzkin bat utzi

Asteazkenean, Hiromi Yoshidarekin solasaldia

Irailaren 20an, asteazkenarekin, arratsaldeko 20:00etan, Hiromi Yoshida idazle japoniar euskaldunak bere azken itzulpena aurkeztuko du gure elkartean, Takiji Kobayashi japoniar idazlearen “Nagusia kanpoan bizi da” izenburuko liburua euskaratu baitu, katakrak argitaletxeak plazaraturik. 

Hiromi Yoshidak duela hainbat urte ikasi zuen euskara, eta egun, euskara irakaslea da Japoniako unibertsitate batean, eta gainera, Japonian euskara ikasteko metodo berri bat argitaratu du. Horrez gain, Bernart Etxepareren Linguae Vasconum Primitiae euskarazko lehen liburua japonierara itzuli zuen.

 

aurkezpenak, ekitaldiak atalean publikatua | , , , , , , , , hitzekin laburtua | Iruzkin bat utzi

Ostegunean, bisita gidatua: “Iruñea Hiri Buruzagi. Baskoniatik nafar Estatura.”

Maitzaldiaren egitarauan txertatua eta Labrit Tourseko Gaizka Arangurenen eskutik, Iruñeko karriketan barna bisita gidatua eginen dugu ostegunean, 17:00etan abiatuz Labrit Pilotalekutik.

Iruñearen -Euskal Herriko hiriburuaren- irakurketa historiko-politikoa egiteko ibilbidea izanen da. Erromatarren garaitik mende ilunetara igaro, eta bertako erresumaren sorrera, bilakaera eta euskaldunon estatuaren desagertzea ezagutuko dugu. Horretaz gain, harresien Historia eta bitxikeriak, aurkikuntza arkeologikoak, burgoen batasuna eta beste izanen ditugu aipagai, gaur egungo egoera sozio-politikora arte.

Opus Spicatum, Iruñean zutik dirauen eraikuntzarik -akaso- zaharrenean. Irudia: Labrit Tours.

ekitaldiak atalean publikatua | , , , , , hitzekin laburtua | Iruzkin bat utzi