Ostiralean, “BESTALDEKOAK” umore saioa.

Maiatzaren 19an,ostiralarekin, arratsaldeko 7,30etan, Asisko Urmenetak eta Peio Etxekoparek  prestatu duten Bestaldekoak umore saioa izanen dugu gure elkartean.

Ekitaldia Iruñea-Baiona Maiatzaldia 2017 ekimenaren baitakoa da. Ekimen horrek kultur ekitaldi sorta ederra jarri digu eskura Iruñean eta Baiona, Maiatz argitaletxearen, Hatsa elkartearen, Zizpa gaztetxearen, Karrikiri elkartearen eta Zaldiko Maldikoren elkarlanari esker, Iruñeko Udalak, Nafarroako Gobernuak eta Euskal Elkargoak babestuta.

ekitaldiak atalean publikatua | , , , hitzekin laburtua | Iruzkin bat utzi

Maiatzaren 26an, kantu afaria

Kantu afaria eginen dugu gure elkartean, maiatzaren 26an, ostiralarekin, gaueko 9,30etan. Kantu tailerrean aritu den jendea etorriko da; bazkide guztiontzat dago zabalik, eta baita gure lagunentzat ere. Komeni da izena lehenbailehen ematea info@zaldikomaldiko.eus helbidean. Horretarako azken eguna hilaren 22a izanen da. Afariak 15 € balio du, eta elkartean bertan prestatuko dugu. Kantu paperak bertan banatuko ditugu.

Uncategorized atalean publikatua | , hitzekin laburtua | Iruzkin bat utzi

Aste honetako ekitaldiak Zaldiko Maldikon: ostegunean “Baduzu” aplikazioa. Ostiralean irakurle taldea.

Hitzaldi-aurkezpena: “Baduzu” aplikazioa eta euskal kontsumitzaileen kluba

Maiatzaren 4an, ostegunarekin, arratsaldeko 7,30etan hasita, IKAko Arturo Campion euskaltegiak eta Euskararen Gizarte Erakundeen Kontseiluak antolatuta, Baduzu egitasmoa aurkeztuko digute, euskal kontsumitzaileen klubaren berri emanen digute, alegia.

 

Irakurle taldea: Kirmen Uriberen “Elkarrekin esnatzeko ordua”.

Maiatzaren 5ean, iluntzeko 8etan, Irakurriz dibertitzen gara ekimenaren baitako beste saio bat izanen dugu. Oraingo honetan, Kirmen Uribe etorriko zaigu, Elkarrekin esnatzeko ordua lanaz mintzatzera. Kirmenen liburu hori dokufikzioaren generoko lantzat jo dute, kronikatik abiatuta fikzioa sortzen baitu.

aurkezpenak atalean publikatua | , , , hitzekin laburtua | Iruzkin 1

Zaldiko Maldiko Kultur Elkartearen 2016ko Sariak

Atzo izan zen urtero-urtero Zaldiko Maldiko elkarteak ematen dituen sariak banatzeko ekitaldia.

Iruñeko Zaldiko Maldiko Kultur Elkarteko bazkideek erabaki dute nori eman elkartearen sariak, hots, Lamien Urrezko Orrazia, euskararen alde egindako lanagatik nabarmendu den talde/erakunde edo norbanakoari ematen zaiona, eta Asto-Masto, euskararen aurka erakutsitako jarreragatik nabarmendu den erakunde edo norbanakoarentzat izan ohi dena.

2016. urteko Lamien Urrezko Orrazia AET-Administrazioan Euskaraz Taldearentzat izan da, Nafarroako euskaldunon hizkuntz eskubideen urraketak salatzeko eta euskararen erabilera gizartearen arlo guztietan zabaltzeko asmoz azken urteotan egindako akuilu lan nekaezinagatik.

Administrazioan Euskaraz Taldea 2001. urtean sortu zen, Administrazioa euskalduntzeko eta euskararen presentzia arlo publiko guztietara zabaltzeko asmoarekin, eta, hori helburu, 15 urteotan lan handia egin du oso baliabide gutxirekin.

Nafarroako euskaldunek pairatzen ditugun hizkuntz eskubideen urraketak salatzeko, hainbat bide erabiltzen ditu AET taldeak: elkarretaratze eta agerraldi publikoak, kexa-idazkiak aurkeztea Arartekoaren Bulegoan, errekurtsoak Nafarroako Administrazio Auzitegian, idazkiak igortzea hedabideetara, bilerak alderdi politiko eta enpresaburuekin, etab.

Taldeak azken urteotan aurrera eraman dituen kanpaina eta ekintzen artean, honako hauek nabarmendu daitezke: Nafarroako sarbideetan ongietorria emateko dauden kartel guztiak elebitan jartzearen aldeko kanpaina, Euskal Telebistako kate guztiak (ETB1, ETB2 eta ETB3) Nafarroan ikusi ahal izateko kanpaina, Iruñeko zine-aretoen arduradunekin bilerak euskarazko filmen proiekzio gehiago eskatzeko, Iruñerriko osasun zentroetan euskarazko arreta bermatzeko kanpaina, erakunde publikoen errotulu eta argitalpenak elebitan eskatzeko ekintzak, Osasun Txartelaren testua elebitan agertzeko kanpaina,…

Horrekin guztiarekin batera, nabarmendu beharra dago, bestalde, 2015eko hauteskundeen ondoren Nafarroako Gobernua eta udal asko euskararekiko jarrera irekiagoa duten alderdi politikoen esku gelditu badira ere, Administrazioan Euskaraz Taldeak ez duela hargatik amore eman, eta bere horretan segitu duela euskaldunen hizkuntz eskubideak irmoki defendatzen, kosta ahala kosta.

Horregatik guztiagatik, Zaldiko Maldiko kultur elkarteak Administrazioan Euskaraz Taldeari eman dio 2016ko Lamien Urrezko Orrazia saria, gure hizkuntzaren presentzia Nafarroako gizartearen esparru guztietan hedatzearen alde egindako lana jendaurrean eskertzeko.

Asto-Masto saria

Gehienetan saria jaso dutenak PSNren edo UPNren inguruko pertsona eta erakundeak izan badira ere, aurtengoan, berriz, Izquierda-Ezkerrari ematea izan da gure erabakia. Pena handiz ikusi ahal izan baitugu, kostata eta traba aunitz gainditu ostean, hainbeste desiratutako aldaketarako Gobernua lortu den honetan, aipatu alderdia euskararen normalizazioan beharrezkoak diren zenbait arlotan galga izaten ari dela.
Tamalez, asko dira aipa genitzakeen adibideak: Irakasleen lan eskaintza publikoan irakasle euskaldunak nabarmen kaltetzen dituen neurrien alde sutsuki aritzea, Iruñeko haur eskolen aferan izan duen jarrera, matrikulazio kanpaina, euskararen lege aldaketa…
Era berean, zinez diogu izugarri poztuko ginatekeela jarrera hori zuzenduko balute, horrek lagunduko lukeelako, zalantzarik gabe, Nafarroan euskararen normalizaziorako bidean aurrera egiten.

ekitaldiak atalean publikatua | Iruzkin bat utzi

Ostiralean, irakurle taldea: “Gezurren Basoa”

Hilaren 24an, arratsaldeko zortzietan, Irakurriz dibertitzen gara ekimenaren beste saio bat izanen dugu gurean. Alberto Ladronen Gezurren Basoa idazlanaren inguruan solastuko gara. Animatu eta parte hartu!

ekitaldiak, Irakurriz dibertitzen gara atalean publikatua | Iruzkin bat utzi

Altxor-kutxa zabaldu; ireki… Paper zaharrez betea izaki!

Oraindik ere bada zer aurkitu euskal testu zaharretan, eta tarteka, han eta hemen perla ederrik agertzen da. Besteak beste, horretan dihardu Ekaitz Santazilia Iruñeko filologo eta hizkuntzalari gazteak, eta horretaz mintzatuko zaigu martxoaren 14an, asteartearekin, 20:00etan hasita.

Ekaitz Santazilia (Iruñea, 1987) filologo eta hizkuntzalaria, NUPeko irakaslea da eta bereziki euskararen historian zein tipologian dihardu, testu zaharrak ikertuz batik-bat. Nafarroako Ondare Matriagabearen Katedrako kide, Nafar Ateneoko euskara eledun eta Monumenta Linguae Vasconum taldeko ikerlari ere bada, eta Fontes Lingua Vascomun aldizkariko zuzendaria. 2012 an beste batzuekin batera “Aziti Bihia” Hizkuntzalari eta Filologoen elkartea sortu zuten, euskararen Historian interesa duen jende gaztea biltzeko eta dibulgazio lanak egiteko.

 

ekitaldiak, hitzaldiak atalean publikatua | , , , , hitzekin laburtua | Iruzkin bat utzi

Emakumearen Egunaren karira, hitzaldia eta irudiak.

Hurrengo astelehenean, Amaia Nausia (Iruñea, 1982) etorriko zaigu elkartera. Amaia Historian doktorea eta idazle feminista da, eta “Edurnezuriren sorgina desegiten. Zer dago sorgin ehizaren atzean?” izeneko solasaldia eskeiniko digu. Animatu eta parte hartu!

2017 martxoa, Amaia Nausiaren hitzaldia

hitzaldiak atalean publikatua | , , , , , , hitzekin laburtua | Iruzkin bat utzi