Dokumentalaren proiekzioa. Urtarrilak 15, asteazkena, 19:30ean.
Euskal Herriko periferia geografikoetan bizi diren sei gazteri ahotsa ematen die Zizelkariak dokumentalak, ertzetako borroketatik Euskal Herri bat irudikatzeko.
Euskal Herriko periferia geografikoetan bizi diren sei gazteri ahotsa ematen die Zizelkariak dokumentalak, ertzetako borroketatik Euskal Herri bat irudikatzeko.
Ohi denez, abenduaren 21ean (larunbat honetan), San Tomas Eguna ospatuko dugu elkartean; beraz, txistorra eta ardoa, musika-giro ederrean, 19:00etatik aitzina.
Ekitaldi irekia da, jende guztiarentzat.
Aurten, gainera, ondotik, dantzaldi berezia izanen dugu Ion Celestinoren eskutik. “Guateke ukronikoa“, 21:00etatik aurrera. Soula, funka eta reggaea Euskal Herrietan; 1967-1977. Bestela esanik, 1960-1970eko hamarkadetan, pop musika gailendu izatera, euskal besta edo party bat nolakoa izanen zen entzun, dantzatu eta sortzeko ekitaldia, Celestino musikagileak gidaturik. Ekitaldi irekia eta taberna zabalik.
Hodei Ijurko Irotz iruindar preso ohiak (2008tik 2018ra giltzaperatua egondakoak), espetxean idatzitako poesia bilduma aurkeztuko du Zaldiko Maldikon. Ataramiñek argitaratu du ‘Basatza. Natura artifiziala gizartearen itzala’ liburua, eta Durango Azokan aurkeztu berri dute.
Hitzaldi musikatu honetan disko-jogailua da protagonista. 60ko eta 70ko hamarkadetako euskarazko pop musika ezezaguna deskubritzea da helburua. Inork gutxik ezagutzen ez dituen kantuok entzun eta horren gainean berba egin. Diskoen azalak eskutik eskura pasatuko dira eta hamaika ezuste izango dugu. Ion Zelestino ideia honen sortzaileak “performazio euskal-afro-retro-futurista” jarri dio izen. Euskarazko atzoko, gaurko eta biharko sorkuntza aztertzeko bidea zabaltzen duen berbaldi musikatua, hain zuzen.
Larunbat honetan, San Fermin txikietan, Ibil Bedi musika taldea arituko zaigu Zaldiko Maldiko Elkartean, ‘Berandu baina garaiz’ diskoko printzak aletzeko. .
Proposamen bitxia dakar Zaldiko Maldikora Juan Latienda bazkideak. Iaz elkartean rol jokoen aurkezpen performatiboa egin ostean, eta Euskalerria Irratian gaiaren inguruko saioa egin ondoren, urrats berri bat eman eta asteroko maiztasunez bilduko den “mini kluba” antolatu nahi du, Dungeon&Dragons rol jokoan euskaraz aritzeko, eta hala, bere esanetan, “literatur kluba eta mintzapraktika fenomenoak uztartzeko”.
Ihintza Marguirault Montrealgo Unibertsitateko doktoregaiak XVIII. mendeko lehen erdian Luisburgon (egungo Kanadan) izandako euskaldunen historia ekarriko du gure elkartera. Gai horren inguruko hitzaldi irekia eskainiko du, heldu den ostiralean, ekainak 21, 19:30ean.
Ataun of the dead eta Joxean’s hil eben arrakastatsuen atzetik dator Napardeath filma, Katihotsak Logia Kultur Elkartearen trilogian hirugarrena. Zaldiko Maldikon izango da proiekzioa, filmaren egileen parte hartzearekin. [Albiste barruan sinopsia eta trailerra] Jarraitu irakurtzen